វត្តមាននៃការមកដល់នូវស្មាតហ្វូនជំនាន់ក្រោយ P20/P20 Pro បានធ្វើឲ្យម៉ូឌែលដទៃនៃត្រកូល Huawei ផ្តើមធ្លាក់ថ្លៃបន្តកន្ទុយគ្នា។ ស្មាតហ្វូនធន់ខ្ពស់ Mate 10 Pro ពីមុនក្នុងទីផ្សារប្រទេសថៃ លក់ក្នុងតម្លៃ ២៧ ៩០០ បាត ឬប្រហែល ៨៩៣ ដុល្លារ ថ្មីៗនេះតាមដំណឹងលេចលឺបានចុះអស់ជាង ១ សន្លឹក មកសល់ត្រឹម ២៣ ៩៩០ បាត ឬត្រឹម ៧៦៨ ដុល្លារ ប៉ុណ្ណោះ។
បញ្ជាក់ថា Mate 10 Pro បានបង្ហាញខ្លួនកាលពីខែតុលាឆ្នាំទៅ ជាមួយការរចនាតួខ្លួនស្តើងស្អាត ក្រាលដោយផ្ទៃកញ្ចក់ពេញដល់ទៅ ៨០,៩ ភាគរយនៃអេក្រង់ ៦,០ អ៊ីញ។ ប្រើឈីប HiSilicon Kirin 970 បន្សំ RAM ធំ 6GB មានប្រើកាមេរ៉ាក្រោយភ្លោះ 12+20MP និងខាងមុខ 8MP។ បំពាក់ដោយថាមពលថ្មធំ ៤ ០០០mAh មានជម្រើសពណ៌ ៤ ដូចជា Midnight Blue, Titanium Gray, Mocha Brown និង Pink Gold៕
0 comments:
Post a Comment