១) “ជារៀងរាល់ព្រឹកនៅពេលខ្ញុំបើកភ្នែកមក ខ្ញុំតែងតែប្រាប់ខ្លួនឯងថា គឺខ្ញុំ មិនមែនជាហេតុការណ៍ខាងក្រៅនោះឡើយ ដែលមានអំណាចអាចធ្វើឲ្យខ្ញុំរីករាយឬទុក្ខសោកនៅថ្ងៃនេះ។ ខ្ញុំអាចជ្រើសរើសថាវាគួរតែជាណាមួយបាន”។ Groucho Marx
២) “បើអ្នកជឿជាក់ថាជីវិតគឺមានតម្លៃនៅក្នុងការរស់នៅ នោះជំនឿរបស់អ្នកនឹងជួយបង្កើតនូវការពិតបែបនេះឡើង”។ William James
៣) “ដើម្បីសម្ដែងចេញនូវសកម្មភាពដែលវិជ្ជមានបាន ពួកយើងត្រូវតែបណ្ដុះនូវចក្ខុវិស័យដែលមើលឃើញអ្វីៗក្នុងផ្លូវវិជ្ជមានចេញពីទីនេះជាមុន”។ សម្ដេចសង្ឃដាឡៃ ឡាម៉ា
៤) “ការគិតវិជ្ជមានលើសពីត្រឹមតែជាពាក្យស្លោកដ៏ពេញនិយមមួយទៅទៀត។ វាផ្លាស់ប្ដូរឥរិយាបថរបស់យើង ហើយខ្ញុំក៏ជឿជាក់យ៉ាងមុតមាំថានៅពេលណាដែលខ្ញុំគិតវិជ្ជមាន វាមិនត្រឹមតែធ្វើឲ្យខ្ញុំល្អប្រសើរជាងមុនប៉ុណ្ណោះទេ ប៉ុន្តែវាក៏ធ្វើឲ្យមនុស្សជុំវិញខ្លួនខ្ញុំបានល្អប្រសើរឡើងផងដែរ”។ Harvey Mackey
៥) “ឥរិយាបថគឺជារបស់តូចតាចដែលអាចបង្កើតនូវការផ្លាស់ប្ដូរដ៏ធំធេងបាន”។ Winston Churchill
៦) “គ្មានបុគ្គលទុទ្ទិដ្ឋិនិយមណាម្នាក់ដែលបានរកឃើញអាថ៌កំបាំងរបស់ដួងតារា ឬក៏បានធ្វើដំណើរទៅកាន់តំបន់ដែលមិនធ្លាប់មានអ្នកស្គាល់ ឬក៏ធ្លាប់បានបើកទ្វារឋានសួគ៌ថ្មីមួយសម្រាប់វិញ្ញាណរបស់មនុស្សលោកនោះឡើយ”។ Helen Keller
៧) “បុគ្គលសុទិដ្ឋិនិយមយល់ដឹងថាវិថីជីវិតអាចរដិបរដុប ប៉ុន្តែយ៉ាងហោចណាស់ក៏វានឹងនាំអ្នកទៅកាន់ទីកន្លែងណាមួយដែរ។ ពួកគេរៀនសូត្រពីភាពបរាជ័យនិងកំហុសឆ្គងទាំងឡាយ ហើយក៏មិនភ័យខ្លាចនៅក្នុងការបរាជ័យម្ដងទៀតនោះដែរ”។ Harvey Mackey
ប្រភព៖ success.com
ប្រែសម្រួល៖ ស្រីពៅ
0 comments:
Post a Comment