សម្រង់សម្ដី៥ឃ្លាលើកឡើងអំពីទំនាក់ទំនងរវាងគោលដៅទៅនឹងជីវិតរបស់មនុស្សម្នាក់ៗ

១) “បើអ្នកអាចរៀបចំជីវិតរបស់អ្នកឲ្យនៅក្បែរអ្វីដែលអ្នកជក់ចិត្តធ្វើ នោះអ្នកនឹងអាចធ្វើឲ្យអ្វីដែលអ្នកជក់ចិត្តឲ្យក្លាយជាសាច់រឿងរបស់អ្នក ហើយបន្ទាប់មកធ្វើឲ្យសាច់រឿងរបស់អ្នកឲ្យក្លាយជាអ្វីដែលធំធេងជាងនេះ គឺជាអ្វីដែលសំខាន់”។ Blake Mycoskie
២) “អាថ៌កំបាំងនៃភាពជោគជ័យគឺជាភាពស្ថិតស្ថេរជាប់ជានិច្ចទៅនឹងគោលដៅ”។ Benjamin Franklin
៣) “គ្មានបុរសឬក៏ស្ត្រីណាម្នាក់គឺជាកោះដែលដាច់ស្រយាលតែឯងនោះទេ។ ការណ៍ដែលមានអត្ថិភាពសម្រាប់តែខ្លួនឯងគឺគ្មានអត្ថន័យអ្វីទាល់តែសោះ។ អ្នកអាចសម្រេចនូវសេចក្ដីរីករាយបំផុតបាននៅពេលដែលអ្នកទទួលអារម្មណ៍មួយដែលមានទំនាក់ទំនងភ្ជាប់ទៅនឹងគោលដៅដែលអស្ចារ្យណាមួយនៅក្នុងជីវិត គឺជាអ្វីមួយដែលអស្ចារ្យធំធេងជាងខ្លួនអ្នក”។ Denis Waitley
៤) “អ្នកមិនអាចបកត្រឡប់ថយក្រោយទៅផ្លាស់ប្ដូរអ្វីដែលអ្នកបានចាប់ផ្ដើមមកនោះទេ យ៉ាងណាមិញអ្នកអាចចាប់ផ្ដើមឡើងវិញនៅទីកន្លែងដែលអ្នកកំពុងតែឈរនេះ ហើយផ្លាស់ប្ដូរទីបញ្ចប់របស់វាបាន”។ C.S. Lewis
៥) “ចាប់យកឱកាសហើយសាងកំហុសឆ្គង ព្រោះវាគឺជារបៀបដែលអ្នកអាចអភិវឌ្ឍរីកចម្រើនបាន។ ភាពឈឺចាប់នឹងបណ្ដុះផ្លែផ្កានៃសេចក្ដីក្លាហានរបស់អ្នកឡើង។ អ្នកត្រូវតែបរាជ័យទើបអាចហ្វឹកហាត់នូវសេចក្ដីក្លាហានបាន”។ Mary Tyler Moore
ប្រភព៖ success.com
ប្រែសម្រួល៖ ស្រីពៅ

About Topsecretkey

This is a short description in the author block about the author. You edit it by entering text in the "Biographical Info" field in the user admin panel.